الحقيقة المصرية

موقع اخباري مستقل

  • RSS
  • Delicious
  • Digg
  • Facebook
  • Twitter
Share Button

كتب/ تامر مبروك
على مسؤوليه موقع الحقيقه المصريه لاتوجد حتى الان
ببورسعيد حاله اغتصاب واحده فقد انتقلنا اليوم الثلاثاء 8 مارس الى مستشفى الاميري العام مع مجموعه من شباب الثوره ببورسعيد وذلك بعد اشاعات جابت بورسعيد مفادها ان هناك عنبر به 20 حاله اغتصاب وتم مقابله مسؤلين بالمستشفى وتم نفي هذه الاشاعه تمامآ هذا وكان اول من قد صرح بهذا التصريح هو حكمدار المدينه في احد أحتفاليات الثوره ببورسعيد .

وصرح مصدر للحقيقه بأن الاغتصاب يبدأ بالتحرش ويتدرج الى

الاغتصاب وفي حاله خروج السائل المنوي على الضحيه يكون مصيره الاعدام

وعند سؤال احد افراد الشرطه المتواجدين بالمستشفى عن اي محاضر تم تحريرها بهذا الشأن تم نفي هذه الاشاعات واضاف هذا المصدر بأنه قانونآ في حاله وجود اي حاله اغتصاب من اي درجه يتم سؤال المجنى عليها عن الاسم والعنوان وتيلفون الاهل ثم يتم ايقاف المحضر حتى يتم الاتصال بأهل الضحيه واستكمال المحضر في حضور (محرم) نظرآ للاسئله المحرجه التي من الممكن ان توجهه للمجني عليها

وهذا لم يحدث حتى تاريخ كتابه هذا الموضوع تحرير محضر بهذا الشأن في المستشفى

ويقال انه بالفعل هناك ثلاث حالات اختطاف حدثت بالفعل لثلاث بنات وجد واحده منهم مخدره على حدود مدينه السويس وتم سرقه ذهب الفتاه لكن دون التعرض لها جنسيآ وهناك حاله اخرى لفتاه والدها يعمل بجمارك بورسعيد ويقال انه تم العثور على الفتاه مقتوله وايضآ لم يتثنى لنا التأكد من صحه المعلومه وهناك فتاه من بورفؤاد تم اختطافها وجاري البحث عنها


الجدير بالذكر والغريب حقآ ان هناك مفاجأه فجرها لنا ضابط بالجيش المصري وهي بأنه اكد بأن اي فتاه تختفي يقوم اهلها بنشر صورتها وتحت الصوره رقم تيلفون والمفاجأه هي ان اهالي هذه الفتيات يتصل بهم اشخاص مجهولين يعرفون انفسهم بأنهم ابناء ثوره 25 يناير ويبلغون اهل الفتاه بأنه تم العثور على ابنتهم مغتصبه في مستشفى الاميري العام.


هذا وبرر هذا المصدر بأن هذه الاعيب هي شغل امن الدوله كنوع من الانتقام من حل جهازهم


لذلك تناشد الحقيقه المصريه ابناء بورسعيد بتوخي الحذر التام من مثل هذه الاشاعات التي تبثها مصادر غير معروفه الهويه لبث حاله من الرعب في نفوس ابناء واهالي المدينه الباسله حتى يتم عمل انقلاب شعبي على شباب الثوره

وفي نفس الوقت لاننفي انه هناك حالات سرقه تحدث بالمدينه من خلال موتوسيكلات يستخدمها اللصوص في اعمالهم الاجراميه هذه فلا تحتفظوا بمبالغ ماليه كبيره في الشنط الحريمي

كذلك نحذر اي شخص من ركوب اي سياره اجره تلصق على زجاجها فاميه اسود او ستائر تحجب الرؤيه عن الداخل

كذلك نناشد نحن موقع الحقيقه المصريه الحاكم العسكري ببورسعيد بأن يؤمن مداخل ومخارج المدينه جيدآ والتحقق من هويات كل من يدخل او يخرج من والى بورسعيد

وذلك بعد ان وردت معلومات للحقيقه المصريه بأن مخارج المدينه مفتوحه لاي شخص بدون الكشف على ما بداخل السيارات او التحقق من سبب دخول او خروج اي شخص


هذا وسنوافيكم بكل جديد في هذا الشأن تابعونا

Share Button

27 تعليق للان .

  1. يقول عبده السيسى:

    الله عليك ياتامر

  2. يقول سمر الرفاعي:

    تامر عاوزاك توصل المعلومة الخطيرة دي للحاكم العسكري
    في عربيات كتير حاطين استيكر عليه 25 يناير زي لوحة العربية ودي ظاهرة عادية لكن المقلق وال مش عادي ان في عربيات كتيرحطهالاستيكر علي اللوح الاصلية يعني يرتكب اي جريمة ومحدش يقدر يتعرف علي الرقم وكمان شفت تاكسي مغطي اللوحتين ال ورا وال قدام بالاستيكر ده وكمان مفيم العربية بالاسود والارقام ممسوحة من علي الابواب ومفيش غير ال علي الباب بتاع السواق بس ال ظاهر واخدته وعاوزة ابلغ عنه لانه ممكن يكون التاكسي ده مشبوه واكيد وراه حاجة

  3. يقول محمود عبد الخالق:

    الحقيقة ان مثل هذة الاحداث كانت بتحصل قبل الثورة لكن لما حصلت بعدها خوفنا ودة مش صح لابد فى كل بيت من اجراءت تحميى يعنى منزلش بنتى او اختى بليل ولا اطفال وبلاش اى لبش ملفت للغاية واحتياطات اخرى طبيعية جيدا عشان سلامة الناس وفى النهاية انا كنت عارف ان كل دى اشاعات هدفها الانقضاض على الثورةالمصرية عاشت مصر وعاشت الثورة

  4. يقول تامر مبروك:

    اكتبي رقم التاكس ده يا سمر في تعليق وانا هتصرف

  5. يقول تامر مبروك:

    يا استاذ محمود ياريت الناس تفهم اللي انت فاهمه ده هنوفر عليها وقت كبير لكن اطمن ده دورنا وهنقوم بيه ان شاء الله

  6. يقول تامر مبروك:

    أ/ عبده الف شكر لحضرتك

  7. يقول تامر مبروك:

    بشرى ساره
    الانسه أميرة التي تم عرض صورتها في هذا الموضوع
    تم العثور عليها حيث انها ركبت تاكسي صباحآ و سواق التاكسي قام بأستأذانها بأن ياخذ واحد معاه
    ثم وقف التاكس ففوجئت الفتاه ب2 ركبوا بجانبها بالكرسي الخلفي واحد معاه مطواه و الثاني معاه بخاخة
    وتم رش بنج لتخديرها
    ولا تتذكر اي شيئ بعد هذا المقف الا انها
    وجدت نفسها ملقاه امام مستشفى الصحة النفسية ببورسعيد
    والحمد لله هي بخير

  8. يقول تامر مبروك:

    أعتقد ان هذا يدل على ما قمنا بنشره من انها خطط مدبره من امن الدوله والحمد لله البنت رجعت

  9. يقول مرمر:

    عيب عليكوا كفايه كدب فى حالات مغتصبة بالفعل وفى 4 بنات ماتوا من الاغتصاب وخرجوا من يومين من جامع مريم تقدروا كلكم تسألوا شيخ المسجد وتتأكدوا من صحة كلامى . 4 صناديق ومستشفى الاميرى فيها اكتر من 20حاله بالفعل عيب عليكو كفايه كدب وافترى كفايه تعتيم البلد مفلوته والندنيا مش وردى زى مابتقولوا ربنا ينجينا ويجرب ع كل واحد بيضلل عن الحقيقه ده بدل ماتنفوا الحقايق حذروا الناس عيب احنا فى ظروف صعبه .

  10. يقول تامر مبروك:

    الاخت مرمر او الاخ مرمر حسب وضعك وجنسك عايز اقولك ان ما تقوله كذب وسأثبت كذبك قريبآ جدآ
    وانا فعلا سعيد اني كنت اول واحد يكشف مخطط امن الدوله وزبانيه النظام البائد الذي اراد اشاعه الفوضى والرعب بعد نجاح ثورتنا
    وكل ما جاء في هذا الموضوع الذي نشر صدق

  11. يقول ايمان:

    اول مرة اعرف ان امن الدولة هي وراء الخطف يا ريت نتكلم في المعقول والخطر بتاع الاختطاف ده موجود بالفعل ولا احد ينكر ان هناك حوادث اغتصاب حدثت بالفعل نتيجة للوضع الحالي والانفلات الامني وليس بايدي امن الدولة وبالفعل استطاع اهالي بورسعيد القبض علي احد مغتصبي الفتيات وتسليمه الي قوات الجيش وتم تصوير ذلك ونشره علي مواقع النت فلماذا تنكر كل ده؟ وتقول انها مجرد شائعات والصورة بتاعت اميرة اللي نشرتها ده مستحيل ان امن الدولة تكون وراء الموضوع ده

  12. يقول ايمان:

    يا ريت تتكلم كلام معقول احنا نقر بان بورسعيد تشهد حالة من الانفلات وهناك العديد من حالات الاختطاف والاغتصاب حتي اذا كنت تحاول اخفاء ده ووبالفعل تم القبص علي احد مغتصبي احدي الفتيات متسليم الاهالي لذلك الشاب لضباط الجيش ونشر ذلك بالصوت والصورة علي مواقع النت ومن غير المعقول او المنطقي ما نشرته ان امن الدولة وراء ما يحدث الان

  13. الاستاذ كاتب المقالة ازاى اصدقك وانت كاتب في نفس المقالةعن ثلاث حالات خطف وكمان عارض صورة حديثة لبنت مخطوفة ارجوا من سيادتك عرض الحقائق فقط

  14. بخصوص امن الدولة يجب عمل تحقيق شامل مع كل افراد الجهاز ومحاسبة كل من اساء للشعب وما اكثرهم فى هذا الجهاز القمعى الذي كان يعمل من اجل حماية النظام وليس الشعب وشكرا

  15. يقول توته:

    السلام عليكم اولا…ياريت يكون فعلا مفيش حالات زى ماانت بتقول فى المستشفى بس علشان تعرف فيه فعلا حالات خطف وانا بتكلم عن يقين مش مجرد سمعت لا دى بقى حاله حاصله فعلا لواحده قريبه ليه من خمسه ايام لغايه دلوقت مش عارفين هى فين ولا اىاخبار عنها بس انا عاوزة انتم ليه مش بتقولوا الحقيقه علشان على الاقل الناس تعمل حسابها وتنزل مع بناتها فعلا علشان توصلها اذا كان للدرس او اى مشوار او فيما بعد للمدرسه ويبقى فيه حرص اكتر من كدا احنا بجد خايفين ..وربنا يسترها علينا وعلى بنات المسلمين اللهم امين.

  16. يقول محمد حسينى:

    ربنا ينتقم منكم يا شباب الخراب ويا رب الى بيحصل لبنات الناس يحصل الاهليكم علشان انتو شباب هايف

  17. يقول تامر مبروك:

    الاستاذ/ مصطفى الهادى
    راجع الموضوع ستجد اننا لم ننكر وجد حالات خطف ببورسعيد
    ولكن ليس هناك حالات اغتصاب تم الابلاغ عنها في مستشفها الاميري العام حتى كتابه الموضوع
    وللعلم للجميع الاخت التي تم نشر صورتها عادت بعد كتابه هذا الموضوع بيوم واحد والحمد لله

  18. يقول محمد رفعت:

    ازيك يا تامر واحشنى جدااااااااا انا عاوز اوضحلك حاجه …. انا طبعا مش بشكك فى انك روحت المستشفى وسالت وقالولك لا ما فيش حاجه والموضوع مش امن الدوله ….. الى عاوزك تفهمه ان قله الادب بقت فى كل مكان فى مصر وده بمعرفه الشرطه قبل الجيش .. علشان يخلقوا حاجه اسمها الفوضى الخلاقه علشان نرجع ونقول يارتهم ما ممشوا … وفيه ناس قبلت اخر ثلاث حالات واتضح انهم ماكنوش مخطزفين التلاته كانوا زعلانين مع اهلهم حسب كلام مدير الامن طبعا انت فاهم واى حد هايقرا الكلام ده اكيد ها يحس بشعور غريب ….

  19. يقول تامر مبروك:

    الى كل من كذب هذا الخبر برجاء اضغط على الرابط التالي للاهميه
    http://www.elhaqeqa.com/?p=7488

  20. يقول محمد:

    بسم الله الرحمن الرحيم …

    اخوانى اظن انه لا ضير من ان نأخذ احتياطاتنا وان نحافظ على انفسنا ____
    ازاى البنت تنزل من بيتها تحكم عقلها فى لبسها وكمان تتقى ربنا قبل ما تحكم عقلها ….الفلوس متكونش كتير والدهب كمان حتى لو صينى التاكسى اللى تركبية يكون سواقة شكلا محترم والتاكسى ميكونش مركب ستارة او فامية والميكروباس نفس الكلام ولو حد قالك ثوانى اركب واحد معانا او واحد قوليلو نزلنى ولو رفض شدى فرامل اليد ودى موجوده بين الكرسيين الاماميين وافتحى باب العربية واقفزى منها ولما تمشى فى الشارع امشى على الرصيف والشنطة بتاعتك تكون لداخل الطريق مش للخارج الشوراع الظلمة بلاش الشوراع الفاضية بلاش والمشبوهه بلاش ….
    نقطة اخيرة لم يكتشف حتى الان عن اى حالة اغتصاب فعلية ولكن حالات اختطاف فقط—-وعودة البعض …..لا ننكر ولا نهول .
    نقول فقط الحقيقه ……..
    امن الدولة مستفيد من اثارة البلبلة والفتنة وعدم الاستقرار بمصر ___لاسباب لم احصلها جميعا ولكنى تحصلت على البعض منها واؤكد هذا والايام القليله القادمة هتظهر الحقيقة وجه استفادة جهاز امن الدولة من حالات عدم الاستقرار

  21. يقول حازم خليل:

    كل ما أستطيع قوله أني أدعو الله عز و جل أن يحفظ البلد و المصريين جميعاً من كل سوء و أريد أن أصدق الأستاذ تامر و ربنا يحمي بناتنا و أولادنا كلهم و مجهود مشكور يا أستاذ تامر

  22. يقول الام الخائفه:

    بعد ازنكم عايزين نطمن على بناتنا . احنا خايفين نودى بناتنا المدارس لو فتحت احنا ف محافظه الاسكندريه والاشاعات موجوده على السنه ناس كتير ولكن مش عارفين فين الحقيقه وفين اللى نطمن بيه..

  23. يقول شذى طارق:

    اذيك يااستاذ تامر
    شوف حضرتك انا من اشد مؤيدى الثورة وذى اى مصرى اصيل ارغب فى التطوير وتنظيف البلد من اى فسادولكن لى تعقيب على تصريح السيد مديرامن بورسعيد وقد قرات تصريحاته بشأن المغتصبات الثلاثة فى بورسعيد انا اتكلم عن واحده منهن وأتا على صلة قرابه بها وهى امال مسعد وقد صرح مدير الامن بأنها قد غادرت المنزل بمحض ارادتها وهذا ليس بصحيح والحقيقه انها نزلت من المنزل لتحضر طعام الافطار ولم تعود حتى الان ولااحد يدرى اين ذهبت الانسه امال انسانه محترمة جدا وليست على خلاف مع اسرتها هى على علاقه وثيقه معهم حرام الخوض فى اعراض الناس مش هيبقى موت وخراب ديار حرام بجد كلها ادعاءات باطله هدفها التعتيمايضا اميره حضرتك قولت كلام غير الى قاله مدير الامن تماما وده دليل على ان المسئولين هدفهم التعتيم بردوا طلعوا اميره هربانه من اسرتها بمحض ارادتها بالله عليك مش حرام كدهواكيد الهدف من التعتيم ده هو تهدئة روع الناس بس ده غلط احنا كده بنفقد مصداقيتنا للمسئولين البلد فعلا فيها فساد وخراب ودمار واختطاف واغتصاب لصالح مين وعشان ايه مش عارفه حد يجاوبنى واخرها مقتل ظابط بالقوات المسلحة واصابة جنود اخرين وهم الى بيحمونا ياريت يكثفوا الجهود شويه لحمايتنا احنا خايفين نمشى فى الشوارع والمدار راجعه ربنا يستر على ابنائنا
    اسفه لللاطاله وارجو الرد يا استاذتامر اذاى نحمى ابنائنا الى راحين المدارس
    ولك منى وافر الاحترام

  24. يقول matrix5620:

    مين ده الى بيقول مافيش حلات اغتصاب ده الموضوع وصل الى خطف الاطفال و الاولاد 17 سنه و الحريم و البنات بخلاف اعمال البلطجه و القتل و تخليص الطار بين العائلات يا ريت الى ما يعرفش الوضع فى بورسعيد مايفتيش و لو فى ايده اى مساعده لعوده الامن يبقى كتر خيره و شكرا

  25. يقول تامر مبروك:

    أ/matrix5620
    ايه ياسيدي حيلك حيلك محسسنا ان احنا في مافيا مش بورسعيد

  26. يقول ياسمين:

    بجد يعنى الواحد يخاف من ئلى بيسمعوا وانا عن نفسى لو ركبت تاكسى لوحدى هخلى حد من صحابى يكتب رقم التاكس وياريت وياريت يبنات محدش يمشى فى حتة ضلمة لان البلد مفهاش امان وربنا موجود وان شاء الله هيحفظنا فى اى مكان.

الاكثر شعبية

نتائج الاس

ندعوكم للانضمام لهذه الصفحه على موقع الفيس بوك اضغط هنا   كتب/ ...

بلاغ لمدير

لم يعد هناك مقبولا ان نجد مثل هذا المنظر في ...

عاجل بلاغ ل

بلاغ من موقع الحقيقه المصريه للمجلس الاعلى للقوات المسلحه المصريه ...

عاجل حقيقه

كتب/ تامر مبروك على مسؤوليه موقع الحقيقه المصريه لاتوجد حتى الان ...

ننفرد بنشر

تامر مبروك - بورسعيد - مصر لاول مره على اي وسيله ...

اعلانات